La Usc di Ladins

En domënia ai 10 d'otober él gnü renové i comités de aministraziun dles fraziuns dl comun da Corvara. Al é gnü lité tles trëi fraziuns dales 7 da doman cina les 7 da sëra.

Corvara
Tla fraziun da Corvara él 248 litadus y al é gnü dé jö 102 zetoles varëntes. I plü litá é Alexander Rottonara (52 usc), Klaus Ambros Taibon (31 usc), Stefan Zingerle (29 usc), Iwan Leo Costamoling (26 usc) y Roland Costner (24 usc).

Pescosta
Tla fraziun da Pescosta él jü a lité 197 di 404 litadus y chisc é i resultac: Helmut Josef Thaler (85 usc), Christian Costabiei (76 usc), Günter Josef Alfreider (71 usc), Raimondo Alfreider (46 usc) y Paolo Agreiter (40 usc).

Calfosch
A Calfosch él gnü dé jö 277 zetoles varëntes da pert di 290 che é jüs a lité (sön 444 litadus). Chiló é i plü litá Werner Costa (127 usc), Paolo Mersa (88 usc), Jouk Oberbacher (86 usc), Patrick Albert Costner (86 usc) y Andrea Oberbacher (66 usc).

I candidac che á ciafé le plü usc gnará cherdá ite an metará sö i consëis d'aministraziun nüs. Düc i resultac é gnüs publicá sön la tofla ofiziala, sön la plata internet dl Comun da Corvara.  (kp)