La Usc di Ladins

Do da dui agn davagna indô Henrik Kristoffersen sön la Gran Risa. Dër buna é stada süa secunda manche, che ti á fat davagné deplü posiziuns y arjunje le scalin plü alt dl podest. Mathieu Faivre, pröm do la pröma manche, se l'á jomada ia y é ruvé tlafinada al 16. Medaia d'arjënt por le svizer Marco Odermatt; terzo post por l'austriach Manuel Feller. Le pröm atlet talian, Luca De Aliprandini, é ruvé 5.

Inant jarára indoman cun n ater slalom lerch. La pröma manche sará dales 10.00; dales 13.30 la secunda.  (kp)