La Usc di Ladins

En sabeda dan otedé él sté a Balsan la sentada generala dla Lia di Paurs dl Südtirol – Südtiroler Bauernbund. Te chësta ocajiun él ince gnü surandé i pesć por i paurs ala munt: n reconescimënt che vëgn metü a desposi­ziun dales Casses Raiffeisen dl Südtirol y che ti vá a families da paur che laora sü lüsc te condiziuns plü ries y sfadioses. Öna dles trëi families premiades tla sentada da iniann é chëra de Federico y Ida Rubatscher dl Lüch Mosl a Soví da La Val.
Sambëgn n’éra incö nia plü sciöche ciamó dan val’ desënes de agn, olache döt cant messâ gní fat de man. Les mascins alisirëia de tröp le laur, mo le lüch Mosl é un de chi olache ince les mascins mëss alüsc ti la zede y an mëss ciamó lauré cotan de man.
Deboriada cun la familia Rubatscher, á podü pié do le pest ince la familia de Florian y Kathrin Trojer dl Hallerhof te Sarnthein, y la familia de Herbert y Edith Kaserer dl Moarhof da Sonnenberg/Solaneres. Por dötes trëi les families él gnü arjigné n pice film che mostra sö co che al vëgn lauré chisc lüsc. Chi che ó ti ciaré, y insciö gní lassura ince sciöche al vëgn lauré sön le Lüch Mosl a La Val, pó l’odëi chësta sabeda ai 5 de merz dales 20:25, sön Rai Südtirol.

Deplü sön le reconescimënt y les particolarités dl Lüch Mosl podëise lí t’La Usc di Ladins di 4 de merz   (pablo)