La Usc di Ladins

Tl comun da San Martin de Tor á Giorgio Costabiei ciafé la conferma. Al é sté le 67,9% di litadus che é jüs a dé jö süa usc, avisa 1.000 porsones. De chëstes él sté 770 che ti á dé la usc al ombolt, le 77%. Les usc nia varëntes é stades 230, de chëstes 175 de blances. Por ci che reverda la repartiziun di scagns, á la lista dl ombolt "Ciastel" da San Martin ciafé le 43,6% dles usc y á insciö pordü n scagn respet ala ultima legislatöra. Ai sará laite de 6. Chël scagn ti é rové ala lista "Lungiarü", che passa insciö da 5 a 6 aconsiadus, abinan le 37,3% dles usc. La lista "Antermëia" á arjunt le 19,1% dles usc y mantëgn sü trëi aconsiadus.

Le Consëi de Comun é metü adöm insciö


Lista "Ciastel"
Giorgio Costabiei - 770 usc da ombolt y 18 por le Consëi
Felix Graffonara - 282 usc
Alexander Zingerle - 225 usc
Martin Flöss - 173 usc
Susanna Talmon - 151 usc
Stephan Ploner - 105 usc

Lista "Lungiarü"
Gustav Mischi - 208 usc
Sara Clara - 194 usc
Ewald Clara - 186 usc
Christian Clara - 119 usc
Rafael Clara - 109 usc
Jenny Mischi - 83 usc

Lista "Antermëia"
Elmar Erlacher - 100 usc
Luca Rizzo - 95 usc
Armin Forer - 86 usc


 (pablo)