La Usc di Ladins

D'isté, en particolar tratan i mëisc de messé y agost, vëgn nostes strades suraciariades da auti y motors. Al röia dantadöt adalerch ia por le de tröc ghesć da foradecá, che ne sojornëia nia te nüsc paisc, mo che ó se fá na roda cun l'auto, sö por i jus. Chësta problematica á debojëgn da gní desgropada y ince sce ara ne jará nia da ciafé na soluziun da n de al ater, pon mëte man cun de pices aziuns concretes, por limité le trafich y promöie na mobilité alternativa. Insciö ó la Cooperativa Turistica Alta Badia porvé da smendrí le trafich sön strada tratan la sajun da d'isté cun na iniziativa che á inom »Stop, ma con gusto«.

Deplü sön chësta iniziativa y sön les atres scomenciadies che gnará metüdes da jí dala Cooperativa Turistica Alta Badia fora por l'isté podëise lí tla ediziun stampada dl vëndres ai 27 de ma.   (kp)