La Usc di Ladins

I ciavai é gnüs condüc tla raitadoia nöia, ia Adan, iniann de agost. Evelyn Adang á insciö realisé so some, chël da podëi manajé süa raitadoia, sön le lüch de familia. Bele da vint agn incá laorera cun i ciavai, dampröma foran Puster y spo tla raitadoia dl hotel Teresa a Pedraces, che ara ne podô sëgn nia plü tó en afit. D'aisciöda á porchël metü man i laurs ia Adan y d'isté á i ciavai podü ite tla stala nöia. Nos sun jüs a ciafé Evelyn y ara nes á cunté de süa pasciun, che ara ti trasmët ai mituns y ales mitans che feji i cursc impara y ales tröpes porsones che vá da d'ëra por imparé da jí a ciaval.

La Usc: Evelyn, co era pa gnüda a s'al dé che te fajesses sö na raitadoia ia Adan?
Evelyn Adang: Por vint agn alalungia ái lauré tla raitadoia dl hotel Teresa, che i ne podô sëgn nia plü tó en afit. I á messü tó na dezijiun: o fá sö valch a ciasa o lascé daldöt. Insciö ái tut tles mans le lüch de familia y i á fat sö na raitadoia chiló Adan.

I podëis lí döta l'intervista tla ediziun stampada da en vëndres ai 30 de setëmber.   (kp)