La Usc di Ladins

L’assoziaziun di Artejagn dl Südtirol é contënta di resultac arjunc dai jogn artejagn dl team "WorldSkills Italy" a Gdańsk/Danzig/Danzica tla Polonia, olache al s’á moseré por trëi dis alalungia cënc de jones y jogn da döta Europa. La Talia, plü avisa Südtirol, á arjunt bëgn döes medaies d’arjënt y öna de brom. I titui é garatá ti mistiers desferënc. 

Alex Ploner: "I sun plü co contënt dla medaia d’arjënt!"

Alex Ploner é nasciü dl 2000 y abitëia a La Val. Al laora da spangler pro la dita Ploner Sas a Pederoa. Do la scora mesana ál atira bele tut chësta strada, al á frecuenté dlungia al aprendistat la scora profescionala da spangler a Porsenú, y tl ann 2020 ál spo podü fá n gran resultat ai Campionac Taliagn di mistiers danter i jogn, davagan le titul y insciö ince le ticket por chisc Campionac Europeics che é gnüs tignis en chësc ann al post dl ann passé ciamó malsigü por i gragn spostamënc internazionai.

Liede do y ciarede deplü de bi retrac tla ediziun nöia de La Usc di Ladins che gnará fora en vëndres!