La Usc di Ladins

Le titul ch’i á chirí fora por chësc articul é feter la fotocopia de chël che i â lité l’ann passé, cun la picia desfarënzia che al é laite la parora "indô". Le ciodí é tosc dit: al é le medemo argomënt, le medemo pest y la medema familia. Ai 29 d’aurí á la Lia dles Lataries de Südtirol tigní a Balsan süa sentada generala. Le presidënt á danter l’ater laldé la cualité di produc, l’afidabilité dles lataries y la popolarité dles marches südtirolejes dantadöt sön le marcé talian. Sce i produc á na buna cualité, spo él ince deache la materia pröma á na buna cualité – le lat. La miú cualité de düc án ciafé pro le lat dla familia de Manfred y Erica Miribung dl lüch "Les Majuns" a La Val, che á podü pié do le pest por le lat de miú cualité de döt Südtirol.

Deplü sön la sentada generala, i prisc dl lat, le pest y le lüch premiá, podëise lí t’La Usc di Ladins di 17 de ma  (pablo)