La Usc di Ladins

En mertesc ai 14 de ma s’ál desfiré tl gran salf dla Ciasa dla Cultura a La Ila la premiaziun dl concurs de dessëgn Raiffeisen, un di concursc da dessëgn plü gragn dl monn. En chësc ann á tut pert les scolares y i scolars dles elementares de Badia, La Ila y San Ciascian cun la Scora Mesana da La Ila.

Tröc y desvalis é stá i pesć che ti é gnüs partis fora tratan le domisdé ai pici artisć, che s’á dé jö en ocajiun dla 54ejima ediziun dl concurs cun na tematica valgamia impegnativa: la sostenibilité. Na tematica atuala, ch’é sön la bocia de düc y che se damana dantadöt fantasia y creativité por ciafé soluziuns nöies. Chëstes él gnü descurí ti dessëgns dles mitans y di mituns, che á tut pert al concurs intitolé »Dé n dagní ala tera«, tres chël che ai á podü presenté süa vijiun dla problematica ambientala y de chë tera, che ti gnará plü inant surandada.

Liede inant tla ediziun nöia de vëndres 24 ma!