La Usc di Ladins

Por le secundo iade s’ál desfiré iniann a Al Plan de Mareo al mëteman de setëmber le festival »Val Sinergia« – n festival dediché ales pratiches meditatives y a chëres dl yoga. Metü en pe dai surastanc dl’assoziaziun Yogamiga, Gabriel Prada y Miriam Kirchler, en colaboraziun cun la Cooperativa Turistica Al Plan/San Martin, á »Val Sinergia Festival« danü pité n program rich de ativités y workshops, ponsé por düc chi che ó fá n vare te so daite y se daurí ala dimenjiun dla sugestiun.

Fora por cater dis, da jöbia 29 d’agost cina a domënia le 1 de setëmber, s’á destrat le program implí d’evënc, conzerc y spetacui demorvëia. »I sun dër contënc y ara é jüda dër bun. Por chësta secunda ediziun ênse bele plü arjigná y i un ince bele indô coiü adöm impulsc por chëres che gnará«, dij l’organisadú Gabriel Prada.


Lí deplü tla ediziun nöia da incö, vëndres 13 de setëmber!