Le Sorvisc ai Jogn complësc 40 agn
Al ê i 23 de novëmber dl 1985 che al gnô firmé le statut cun chël che al gnô metü sö le Sorvisc ai Jogn Val Badia. Incö él na istituziun che an ne pó nia plü se ponsé demez. Da en chël pröm vare él iniann passé 40 agn – n iubilé che an n’ó nia lascé passé dlungia ia. Chësta fin dl’edema, dai 23 ai 25 de ma, vëgnel fat festa cun deplü apuntamënc.
I dis dl iubilé mët man incö vëndres ai 23 de ma dales 20:00, tl zënter Saj.un a La Ila. Al gnará tigní le referat "I valurs dla jonëza", cun Siur Tone Fiung y siur Klaus Sotsass. En sabeda ai 24 de ma vára inant a Al Plan. Domisdé vëgnel tigní n torné de "Calceto XXL", che odará te ciamp jones y jogn da 14 agn insö. Da sëra vára spo inant pro paiun de paisc cun n conzert y cëna. Dales 19:00 inant sona Nina Duschek, dales 21:30 inant le grup "Mainfelt". L’at ofizial di 40 agn vëgn tigní la domënia ai 25 de ma. An mët man dales 10:00 cun la santa mëssa, abelida dai cors di jogn dla valada. La mëssa é pro paiun da San Martin, olache al é spo dedô i discursc da pert dles autorités. Domisdé vára inant cun na festa por les families, cun jüc, musiga y devertimënt. Al sonará le grup "Aurela Cörta" y al sará ince n spetacul de zircus cun le grup "Circensema" de Fascia. Sce al foss bur’ tëmp, él mëssa te dlijia y la festa dedô te palestra.
Galaria retrac
View the embedded image gallery online at:
https://www.lausc.it/valedes-ladines/val-badia/29556-le-sorvisc-ai-jogn-complesc-40-agn#sigProId10099f35d1
https://www.lausc.it/valedes-ladines/val-badia/29556-le-sorvisc-ai-jogn-complesc-40-agn#sigProId10099f35d1
