La Usc di Ladins

I à scrito Innsbruck 1964 su ‘na tabela che i à tacà fora a Fiames, su chera pista curta de azal, pede el bosco, agnó che i se alena par preme el bob. El cinema ‘l é anche chesto, conpain de chel gnee pestizo, fato de carta, che i à scarà fora daparduto, da fei finta che fose d’inverno, e saon de maśo. L é suzedù inze a Fiames, ma anche par el paes, pede ra vecia jeja de San Franzesco e in outre luoghe. Coscita i à fato finta de ese in Austria, par ra Olimpiades del 1964, canche ‘l anpezan Eugenio Monti ‘l à vento doa medaies de bronśo, a vegnì śo col bob. In aea beleche vento does del 1956, a Ronco, e cheres ‘s ea de arśento. Dapò in venzarà outra does, ma chestes de oro, a Grenoble 1968. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper