La Usc di Ladins

»40 egn de libertà e renasciuda. Ensema se pel«. L é passà belapontin 40 egn da canche de jugn del 1985 Sergio Valle verjea l prum club ACAT a Vich per la valèdes de Fascia e Fiem. Ti egn do l é stat avert 7 club te Fascia e 14 te Fiem. Valle l é doventà servidor ensegnant e l jia de spes cèsa per cèsa, ence su envit di preves desche don Tito Vecchietti, a didèr chi che era en dificoltà. Te sia atività de servidor l à cognù ge fèr front ence a momenc senestres: manaces con cortie e pistoles, ma sia volontà de portèr speranza la é stata più forta.

Sergio Valle l é stat president del ACAT de Fascia fin del 2019, do l’encèria é stata touta su da Giuliano Pellegrin Righi e ades l é Marino Pederiva. Na neva de chest an  l é che apede ai club de Ciampedel e Moena n é stat avert un nef ence a Poza, chel de Dèlba enveze l é stat serà. La servidora ensegnanta de Poza l é Paola Costa che, ensema a Pederiva, la ne à contà de la neves de l’ACAT de Fascia.

Se pel lejer dut su La Usc nr 18 dai 16 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)