La Usc di Ladins

La cooperativa de comunité é na forma dolarata nöia de cooperatives: na istituziun zënza fin de davagn, che á sciöche fins la coejiun soziala y da porté vantaji por la comunité de n paisc o de comun. Al é na cooperativa portada dala jënt y che dess lauré por la jënt. Te nosta valada él sté le Comun de Mareo che á fat le pröm vare l’ann passé, meton sö la cooperativa "Por Mareo" cun fins culturai mo nia ma. Sëgn n’él ince öna a La Val, olache al é gnü istituí ai 24 d’aurí la cooperativa de comunité "Pares". Presidënt é le vizeombolt Felix Dapoz, vizepresidënt é Manfred Vallazza y tl diretif él ciamó Daniel Frenes, Daniele Moling y Kathrin Lindner.

Deplü sön la cooperativa y sü fins, podëise lí t’La Usc di Ladins di 23 de ma  (pablo)