La Usc di Ladins

En domënia ai 4 de ma á i Stüdafüch de Badia zelebré la tradizionala festa dl sant protetur San Florian.
Do la santa mëssa á i Stüdafüch invié la comunité a tó pert ala bene­disciun di mesi sön plaza dan ma­gazin. Chiló á le comandant Stefan Mangutsch tut parora por fá n cört raport dl ann passé y porté dant les novités, gnüdes a s’al dé cun le mëteman dl 2025.

Al momënt compëda l’uniun di Stüdafüch de Badia indöt 56 mëmbri atifs; danter chisc él 4 mëmbri de sostëgn, 5 totes, 3 mëmbri d’onur y 11 mëmbri dl grup jonil. Tl ann 2024 é i stödafüch gnüs cherdá 41 iadi por intervënc de deplü sorts.

En la festa de San Florain él gnü tut l’ocajiun da presenté ala popola­ziun le comité nü, che é gnü lité ai 25 de jená tratan la sentada generala. I mëmbri di Stüdafüch á lité le comandant nü Stefan Mangutsch y le vize nü Pasquale Pitscheider. Christian Burchia, Lu­cas Piccolruaz y Maximilian Nagler á ciafé la crëta di volontars por l’in­ ciaria de aconsiadus. Lapró él gnü lité danü le comité, sëgn metü adöm da Sepl Piccolruaz (cassier), Martin Dapré (scrivan) y Tasser Tobias (verdajogn). Christian Anvidalfarei é gnü confermé danü verdamagazin.

N rengraziamënt particolar é jü ai mëmbri dl comité da denant, por l’impëgn dediché al’uniun ti agn passá.


Liede deplü tla ediziun nöia da incö, vëndres ai 30 de ma!