La Usc di Ladins

Al é edemes spësses de apuntamënc por i zidladus de ciavai. Un de chi importanc é gnü a s’al dé dai 29 de ma al 1. de jügn a Ebbs tl Tirol, olache al é gnü desfiré la mostra mondiala dl ciaval haflingher. N evënt che vëgn a s’al dé pordërt vigni 5 agn, mo che ê tomé fora dl 2020 por gauja dl Covid. Al apuntamënt de chësc ann á tut pert passa 650 ciavai y 180 polorins da passa 14 naziuns. Südtirol ne podô sambëgn nia mancé, él pö le post olache le haflinger é nasciü. La Federaziun Provinziala cun so presidënt Manfred Canins á intratan damané che le haflinger vëgnes reconesciü sciöche bëgn imaterial UNESCO. Da nosta provinzia él rové fora Ebbs passa 70 ciavai y ala pert êl ince 3 zidladus ladins. 

De che che ara se trata y co che ara ti é jüda, podëise lí t’La Usc di Ladins di 20 de jügn  (pablo)