La Usc di Ladins

Tla sentada di 29 de merz á l’uniun Teater La Ila tut comié dal presi­ dënt Daniele Pizzinini, che é sté a ce dl’uniun por i ultims 19 agn, por passé defata ala lîta dl presidënt nü. Alessandro Bonfanti á ciafé la crëta di mëmbri dl’uniun y á pié do l’inciaria da presidënt. »I sun contënt da avëi surantut l’inciaria y i nes audun che l’uniun pois jí bun inant ince tl dagní; che tröc ais inant vëia da fá teater, scebëgn che fá teater é lié a impëgn. Mo sciöche an sá, pón impó, ince dlungia l’impëgn, se devertí dër tröp«, dij le presidënt nü Alessandro Bonfanti. 

La sentada é ince stada ocajiun de lîta por le comité nü, che á ciafé na formaziun en gran pert nöia, cun Andy Pizzinini (vizeprësident), Marco Moscon (cassier), Sabine Rudiferia (aconsiadëssa) y Roland Pizzinini (aconsiadú). 

Cun n presidënt y n comité nü, ciara l’uniun sëgn devers dla pro­ scima rapresentaziun da d’altonn y ala festa de iubilé, che vëgn tres plü daimpró.



Liede deplü tla ediziun nöia da incö, vëndres ai 20 de jügn!