La Usc di Ladins

Grups de stödafüch jogn da döta la provinzia é stá i protagonisć pro le concurs provinzial, che é gnü tigní dai 27 ai 29 de jügn a Nöia Todëscia. Sciöche ara ê bele stada l’ann passé a Toblach, n’ál gnanca en chësc ann mancé na bela cumpëda de scuadres ladines, cun la desfarënzia che en chësc iade él ince salté fora le podest. La scuadra di stödafüch jogn da La Val, insignada ite da Klaus Pescollderungg y Medali Bioc, ê bele l’ann passé gnüda zoruch cun n bun 7. plazamënt te gofa. Travert de chësc ann êl da rové sön podest y insciö ésera stada. Tla gara por la medaia de brom, a chëra che al á tut pert 98 scuadres, é i jonins da La Val stá bugn da abiné le secundo post cun 1.049,38 punc sön 1.100. Dër n bun resultat á ince arjunt ince la scuadra da San Martin, acompagnada da Dennis Schanung, Maicol Tschaffert y Elias Pedevilla, che é gnüda a ciasa cun n bel 7. plazamënt y 1.039,36 punc.

Deplü podëise lí t’La Usc di Ladins di 11 de messé  (pablo)