La Usc di Ladins

Dan da dui agn festejâ le proiet Smach 10 agn da süa nasciüda. Chësc ann é la bienala piada ia danü y presentëia na costelaziun nöia de 10 operes, co é gnüdes cernüdes dales iuries danter 300 propostes rovades adalerch da plü co 47 na­ziuns.
En gaujiun dla daurida dla 7ima ediziun dla bienala d’ert é rová adöm a Picolin dan dala Ciasa dl Maier, en sabeda ai 12 de messé, artisć, organisadus y amanc dl’ert contemporana y conzentuala. Tla serada él gnü porté dant le svilup dl proiet y ci che reverda la seleziun artistica da iniann. Lapró él gnü sotrissé le fin dl proiet, che é chël da cherié na costelaziun d’ert, che liëies adöm le contest artistich con­temporan al patrimone cultural dl teritore por süa valorisaziun.

Le proiet nasciü tl 2012 a San Martin y che á defata, tl 2018, daurí les portes dla Val dl’Ert, á tles ultimes ediziuns arjunt n team d’organisadus y volontars articolé te deplü organs – bëgn döes é les iuries, öna tecnica y öna artistica, che laora deboriada por la cerna y la realisaziun dles operes. Da püch é rové pormez n comité scientifich, metü adöm da deplü profescionisć y esperc dl setur.

»La cultura ne pó nia gní limitada a ester n oget d’esposiziun te vidrina, tuta demez dala vita y dal tëmp: ara esist ma sc’an pó l’incunté tl presënt, sce ara se deura al dialogh. Chësc lascia pulsé la pasciun por la cultura«, dij Michael Moling.


Liede inant tla ediziun nöia da incö, vëndres ai 18 de messé!