La Usc di Ladins

Fá pert de na uniun ó dí s’impegné y dediché tëmp lëde a bëgn dla jënt. Avisa chësc fej ince n cor de dlijia, che cun so bel cianté abelësc les funziuns y les santes mësses. Mo fá pert de na uniun ó ince dí se sté saurí y passé tëmp adöm en alegria s’la lascian jí buna. Avisa chësc á le Cor de dlijia da Lungiarü fat en domënia ai 26 de otober. Do la palsa da d’isté y denanche les gran festes dl ann liturgich mëtes man, á i mëmbri dl cor passé n bel de adöm en alegria.
I nes un incunté dales 7 da doman sön plaza de paisc por pié ia dl vers dl Obervinschgau. A Maran él gnü pormez n gran sostegnidú y compagn dl cor, Walter Stirner. Al s’á acompagné döt le de y nes á dé informaziuns interessantes sura le Vinschgau. Ël â ince daidé nosc dirighënt da mëte jö le program dl de. Tla dlijia dl convënt Marienberg sura Burgeis unse tut pert ala santa mëssa; do mëssa unse cianté na ciantia a Santa Maria, y le pater che nes á ascuté sö á sintí na gran ligrëza te nosc cianté y nes á invié de nia la perde.

Deplü nes cunta Elisabeth Erlacher t’La Usc di Ladins di 7 de novëmber