La Usc di Ladins

Al é pordërt tröpes cosses che liëia Anita Obwegs, Sofia Pisching y Stefanie Kaneider: ares é dötes trëi d’Al Plan, ares é dötes trëi umes de de pici mituns, y dantadöt éseres dötes trëi de gran apascionades de musiga. Dötes trëi á ince bele porté sön paladina proiec desvalis, mo so tru musical deboriada s’á bele incrujé cotan denant, canche ares â metü man da cianté pro la pröma generaziun dl cor "Mosaic". Dailó s’un áres ince tosc anadé che sües usc passenâ bun adöm, che les tonalités stimenâ. Mo che "Tonalités" gniss n bel de ince l’inom de so trio vocal, ê iló ciamó scrit tles stëres.
A vigni moda áres metü man da cianté plü gonot deboriada, ci che garatâ scialdi tl contest dla dlijia y suradöt tl tëmp da Nadé. Cun döt che ares é stades da aldí te n gröm de ocajiuns, manciâl cina ciamó na registraziun profescionala. Chësta locia vëgn sëgn colmada cun süa pröma CD, che vëgn presentada ai 7 de dezëmber. 

Deplü podëise lí t’La Usc di Ladins di 28 de novëmber  (pablo)