La Usc di Ladins

La noela é gnüda comunicada sön les plates dla cöra dla Val Badia la domënia passada, y gnará menada fora en doman ince dala Diozeja. La Val Badia ciafa cun le 1. de setëmber 2026 n degan nü. La mudaziun vëgn adaldé deache siur degan Iaco Willeit compliará de messé la bela eté de 80 agn, che prevëiga da dé jö chësta inciaria. Al lascia insciö do 15 agn de sorvisc da degan te nosta valada. Sciöche degan nü él gnü nominé siur Klaus Sottsas, che é al momënt ploan dles 6 ploanies dla bassa valada. Cun la inciaria da degan deventarál ince ploan y responsabl aministratif de dötes les 12 ploanies dla Val Badia. La santa mëssa cun surandada dla inciaria sará ai 30 d’agost a Badia.
Tröp s’ál mudé ti ultims agn tla vita de dlijia de nüsc paisc y chësta é zënzater indô na mudaziun importanta, che se damanará dales ploanies y sü fedei da se porté ite ciamó deplü.

Ci mudaziuns che an pó s’aspeté, olache le degan nü y le degan da sëgn jará a sté, ti unse damané a siur Iaco y a siur Klaus. Les intervistes impara ciafëise t’La Usc di Ladins di 6 de merz.  (pablo)