La Usc di Ladins

Le campionat provinzial de super G ess pordërt messü gní tigní bele de forá a Watles, mo deache le tëmp n’â daldöt nia buté éseres gnüdes sburlades. En vëndres dan otedé ésera spo stada tan inant: sön la pista "Schöneben" de Reinswald él gnü tigní bëgn cater super G, y dui de chisc varô sciöche campionat provinzial. La bona noela ladina é gnüda tla categoria U21, olache Max Clara d’Al Plan, atlet dl "Landeskader" provinzial, é sté bun da davagné cun le tëmp de 1'06.06, dan da Noah Gamper da Marling y Luis Schuster da Rasun. Ladines sön podest ince tla U18, olache le titul provinzial feminil é gnü davagné da Elisa Plunger dl Skiteam Munt de Suc. Al 2. post s’á plazé Nicole Piccolruaz dl SC Gherdëina y al 3. post Mia Kastlunger d’Al Plan, atleta pro le Kronplatz Skiteam.  (pablo)