La Usc di Ladins

Pro les Cooperatives Turistiches de nüsc raiuns vëigon de gre en gre che ares ne se dá nia ma plü jö cun le turism porí, mo che contribuësc tres indô ince da organisé iniziatives por la jënt dl post o ince por la jënt dl post. Chësc vel tan deplü por les CT dla valada, che á intrames arjunt la zertificaziun de sostenibilité GSTC, olache ara ne nen vá nia ma de sostenibilité economica y ambientala, mo propi ince de sostenibilité culturala y soziala. Ó dí che al dess ince ester n fin de promoziun y de sconanza dles popolaziuns dl post. 
Tla sentada generala dla CT Al Plan/San Martin él sëgn gnü fat n bel vare inant de chësc vers, portan ite cinamai tl statut sozietar la sconanza y la promoziun dla cultura, dl lingaz y dl’identité ladina. "N ciamp olache i orun fá deplü ti proscims agn", á dit le diretur Carlo Runggaldier. N vare che impegnëia – insciö l’intëni – da se dé da fá ince por mëte en mostra nosc lingaz, le fá plü conesciü al ghest y dantadöt le respeté ala per cun i atri.
Lapró él ince gnü lité danü le consëi d’aministraziun dla CT y val’ dis dedô ince la junta, olache Werner Call é gnü confermé presidënt. Al sará süa ultima legislatöra, sciöche al á lascé alsavëi.

Deplü sön la sentada, sön les mudaziuns al statut, sön i resultac plü menüs dles lîtes, podëise lí t’La Usc di Ladins di 8 de ma  (pablo)