La Usc di Ladins

Do l pruiet "Flotte Flitzer" iel te chëst ann de scola 2025/26 unì pensà de pité n auter argumënt tl ciamp dla tecnologia: "Flotte Brücken". 
Truep mutons y truepa mutans dla scolines y dla scoles primeres de Gherdëina y dla Val Badia ti ie jic permez a chësta tematica te manieres desfrëntes: I ie jic a crì y a ti cialé ai puenc che ie da udëi te si luech o à fat nrescides sun i puenc che ie sun dut l mont ti cialan ala lunghëza y al’autëza ma nce a coche la costruzion ie fata. Pona fòvel da purvé ora ce mesuns che l ie per fé n puent stabil nce mé cun material scëmpl, ajache nce cun papier fòvel mesun fé puenc che teniva su bëndebò de pëis. Te truepa scoles y scolines iel nscila unit a s'l dé n lëur nterdiscipliner trajan ite la rujenedes, la geografia, la storia y la matematica. Ma nce l crië puenc danter la persones ie stat n argumënt da pudëi traté o l cianté de na ciantia sun i puenc, tematiches tl ciamp soziel.

Per l Ciamp Pedagogich dla Ntendënza Ladina,
Petra Senoner


Dut l articul pudëis liejer tla edizion nueva de La Usc che vën ora chësc vënderdi ai 22 de mei.