La fascinaziun di retrac da zacan

Data

19 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Al Plan él gnü daurí na mostra de fotografies vedles, olache al jënt é inviada da jí a ti ciaré y ince da daidé ciafé fora che ch’al é lassura. N contribut por mëte adöm toc de storia y vita dl paisc
Che les fotografies da zacan descëda tres ciamó, o forsc tres deplü interes danter la jënt, án odü n iade implü en sabeda dan otedé a Al Plan. L’Istitut Ladin "Micurá de Rü", en colaboraziun cun le Consëi de formaziun d’Al Plan, á daurí tl salf dla Raiffeisen na mostra de fotografies vedles dl paisc, olache al é gnü metü fora na gran cumpëda de retrac da zacan – posć, porsones, momënc de vita dadî passada. I retrac vëgn da archifs privac che families ti á dé jö al Istitut, dantadöt fora dal gran archif de Jan Erlacher de Śocherle, che á sciöche fotograf tigní toch n gröm de momënc, festes, avenimënc, families, ciases y posć. Un di traverc dla mostra é ince chël da ciafé fora che che al é sön i retrac. La jënt é porchël inviada da jí a ti ciaré. Al é gnü metü fora de gragn catalogs de retrac, olache an pó scrí pormez i inoms che an conësc. La mostra é daverta cina ai 22.11., vigni de dales 10:00 ales 12:00 y dales 15:00 ales 18:00.

Deplü sön la mostra ciafëise t’La Usc di Ladins di 20 de novëmber  (pablo)