La Usc di Ladins

Jai 42 egn nascea l grop de musega fascian di »Pazedins«. L’era belimpont l 1977 canche i jormegn Danilo e Pietro Planchensteiner, dessema a Enzo Rovere, i à scomenzà a portèr sia notes sun paladina tedò l’inom de »Pazedins«. Timpruma, l'era demò trei joenec, aboncont dapodò, col temp, la formazion la é mudèda dotrei outes. Aon rejonà con ic e con gran piajer i ne à contà en curt sia storia.

Dant de scomenzèr, aboncont, cognon se domanèr da olache vegn l’inom. Sessaben, chest l’é l storich sorainom di paejegn de Cianacei. La pissèda la vegn cà da n’idea del père de Pietro Planchensteiner, Luigi Planchensteiner rechia. Al scomenz i trei joenec no i saea che se meter inom e, dalajà che i volea recordèr sie teritorie, i à pissà a dotrei proponetes. Anter chestes l’era ence »Sella Gruppe«. »Tinultima, aboncont - ne à dit Danilo - l’é ruà a proes Piere con l’idea de l’inom Pazedinse a mi e Enzo ne à sapù sobito n bel inom«.

Podede lejer dut l'articol su La Usc stampèda de vender ai 24 de jené 2020.  (Nicoletta Riz )