Al vegn l "Euregio2Plus"

Data

01 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na cherta de n di dla Europaregion Tirol dai prums de agost 2020 inant per duc i mesi publics ti trei raions (Tirol, Südtirol y Trentin)
La cherta che vegn deda fora dal 1. de agost 2020 inant y vel per n di intier (24 ores) costa 39,00 € per doi adulc acompagnés da enchin 3 mutons. Scluc fora da chesta azion é les ferates EC, Intercity, Railjets y les Frecce y d’autres linies de ferata a destanzes longes.

Chi pò pa adoré l "Euregio 2 Plus"?
La cherta dl di pò vegnì anuzeda da al plu 2 persones acompagnedes da al plu 3 mutons. Ala pò ence vegnì adoreda demé da una na persona o da does persones zenza mutons. Per mutons él miné persones sot i 15 agn.

Cie servisc publics pòi pa adoré?
La cherta de n di vel per duc i mesums de mobilité locala te duta la Euregio Tirol-Südtirol-trentin. Touc fora é i mesums sciche les EC, Intercity, Railjets, Frecciargento sciche ence d’autres linies de ferates che zircoleia sun trasses internazionales.

Olà pòi pa compré la cherta?
Te Südtirol tles corieres, pro i automac dles chertes a les stazions y pro les portines dl servisc publich. Te Tirol é la cherta da ciafé tles corieres (tout fora a Disproch), pro i automac dla ÖBB, pro les portines davertes y tles boteighes VVT. Tl Trentin pò la cherta vegnì compreda pro les portines de Trentino trasporti y pro les portines de Trenitalia.

Da mete averda
Chi che à la cherta Euregio2Plus con striscola de magnet, à da ativé la cherta dant vigni iade. Te Tirol y tl Trentin vel la cherta Euregio2Plus sciche tessera da mostré su pro l control.

Informazions dà l internet sun les plates dla mobilité publica dles aziendes che desfira y coordineia l servisc de trasport publich.  (Iaco Rigo)