La Usc di Ladins

La 12^ edizion de la Setemèna del Azet la se dejujarà dai 25 de setember ai 3 de otober con scontrèdes, evenc e atività endrezèdes sun dut l teritorie regionèl. L argoment cernù fora per chest an l é »Segurezes: viver la comunanza« e se à volù l declinèr al plural per ge dèr luster ai desvalives segnificac che à la parola ‘segureza’.

L prum apuntament »Segures co la roda« l é sun calandèr per doman, en sabeda ai 25 de setember da les 9:30. Se se troa per se fèr na raida co la roda, averta a duc e soraldut outa a la families con bec dai 6 ai 14 egn; se se bina te doi posć, un a Soraga te Prà del Preve sotite gejia e l auter a Ciampestrin ló dal Paladolomites. I Polins de Fascia, ensema con la lia Fassa Sport Check Point, portarà dant n curt moment de formazion en cont de segureza sun streda; i partezipanc podarà jir do olache i vel con la roda. Tel valif post, entorn l mesdì sarà n aperitif curà da la Coprativa Oltre.

Dut l articol con dut l program su La Usc stampèda de anché, en vender ai 25 de setember del 2026.  (CT)