La Usc di Ladins

La Frazion de Dèlba, con sie capofrazion Olivo Micheluzzi, à dezidù de tor su la novitèdes vegnudes fora con la lege 2017/168 che à recognosciù la Frazions desche n ordenament giuridich primarie col ge dèr sia autonomia de statut e de gestion. Aldò de chesta lege nazionèla, i bens no é più conscidré ben publics ma Ben Comun.
L é stat metù ju n nef Statut che ge é stat manà fora a duc i sentadins con chela che i porte dant sia osservazions e en mercol passà, ai 23 de setember, l é stat chiamà ite na scontrèda te Comun de Cianacei per prejentèr e spieghèr i mudamenc touc su e chel che perveit la norma. Se la jent no la vel passèr resta dut coche l é e de november vegnarà fat la litazions desche semper.
L comitat de la Frazion de Dèlba, vidà dal capofrazion Olivo Micheluzzi, se met endodanef a la leta: con el, l vize Daniele Iori e i conseieres Paolo Casagranda, Filippo Redolfi e Martino Soracreppa.

De più en cont di mestieres fac te chisc cinch egn de mandat te La Usc stampèda de en vender ai 25 de setember del 2026.  (Nicoletta Riz)