Na rechia, na ciacolada, n fon recort di sie, n braciacol: mo no chest an.
Chest an alincontra dut é mudà, mudà per la dezijion de la Jonta provinziala de Trent, enveze duc i autres, i ladins nesc vejins, i sudtiroleres e chi de dute le autre region taliane i à podù, ence se en mesura mendra, aer chel moment fon dedant ai sie.
En domenia jìe a messsa con n lumin per la fossa di mie, ere n moment tardif, la messa l'aea jò metù man, zachei fora
View the embedded image gallery online at:
https://www.lausc.it/atualite/13902-cortine-serade-ostarie-averte#sigProId5776f12cbe
https://www.lausc.it/atualite/13902-cortine-serade-ostarie-averte#sigProId5776f12cbe
Anna, na peconta, ló enlongia l ciancel la me disc: »no se pel ite, te cortina, i à serà i ciancìe, no saeeste nia?«
Na ve, no saee!
Sun ciancel n lonch pefel de doi piate datà 30 de otober che no aee voa de lejer.
Anna la disc, duta ju de corda: mo star daìte te gejia no él pior?
No erel possibol lasciar i ciancìe averc - se domanaane – e enviar i fidei a la regoles?
Se aessa podù domanar i studafech, segur chel servije de vardar sora su le regole i lo aessa fat bolintiera, i à fat n gran servije ence endana i meisc de l'aisciuda passada... E ence ic i fossa empò jic te cortina!
Chest se aessa podù l far, amancol ti paìjes mendres; te zità fosc fossa stat più senester...
Amò na outa chela dezijion del President de la Provinzia de Trent à decretà na spartijon te la region e anter nosce comunanze. E i malumores se à podù i scutar sù ti servijes giornalistiches regionai de la sera.
Donca cortine serade, enveze ostarìe averte e sperlongiade de doi ore, chest sessaben te provinzia de Trent. Ah, te ostarìa besegna jir, no se pel far de manco!
E l'é zachei che se lamenta di decrec del Premier Giuseppe Conte a propojit del smendrar l sport per i joegn, se dijessa che zenza sport no i podesse viver, amancol endana chest temp malsegur per duc.
E cotant che i à padì i joegn chest'aisciuda passada zenza poder far sport e alenamenc...
Con martesc ai 3 de november i ciancìe i é endò stac averc, chi che à podù i é jic su la fossa di sie, o da dalonc i à dit sù na rechia.
Saon duc che besegna esser ascorc, chel che rodolea entorn l'é pericolous, mo chesta dezijion de la Provinzia de Trent, per me falada, no la troa consens, enveze valch se à rot tel spirit sensibol de la comunanza cristiana. (de Fernando Brunel)