La Usc di Ladins

L’é passà 30 egn da canche, ai 28 de jené del 1991, a l’età de 83 egn, morìa Luigi Canori, inom d’èrt de Ermanno Zanoner del Gabana da Moena.

Om de cultura, musizist, artist, scritor e studious del lengaz ladin, l Canori ne à lascià n patrimonie cultural desmesurà anter composizions de musega, scric e dessegnes. Sia gran ritajon é stata touta sù e metuda a frut jà pean via dai egn ’70 soraldut de gra a Fabio Chiocchetti del Goti, che à valorisà sia cianties con I Marascogn, publicà partidures e dessegnes con l’Istitut Cultural Ladin, portà sun paladina sia operes. L’ultim vèrech portà a compiment l’é l CD giusta fenì, Ciantie da mont, da spas e dal cör, dat fora col didament del Grop Ladin da Moena.

Te la piates de Fascia de La Usc 03 de vender passà i detaes su la neva produzion e i recorc che Fabio del Goti, ritadin spiritual del gran maester, ne sporc en ocajion del cedean.