1.124 sozi, 27 aministradores, na sessantina de colaboradores e n budget de 10 milions de euro. L é i numeres de l’Azienda per l Turism de Fascia, prejenté en ocajion de la radunanza di sozi chiamèda ite a La Gran Ciasa a Soraga en jebia ai 28 de mé.
L president Fausto Lorenz à metù dant la vijion e la miscion de l’azienda: creèr valor per i vijitadores e benstèr sostegnibol per sentadins e imprenditores chierian n balanzament a do a do anter benesser sozièl, economich e ambientèl. L diretor Nicolò Weiss à prejentà la ativitèdes maores del 2025 e l à jontà ite che »la mobilità resta l argoment ciaut e sun chest capitol fajon n investiment n muie emportant.
La radunanza di sozi l é stat l’ocajion giusta per anunzièr, tras n video messaje del diretor generèl de la Fis Peter Gerdol, che del 2027 ruarà te Fascia doi garejèdes de Copa del Mond.


Podede lejer dut su La Usc stampèda dai 5 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 

 (Monica Cigolla)