La Usc di Ladins

La Munt dai Tamersc, che se sleria tla Val de Mareo da Fodara Masaronn cina ite a Pederü, é la pastöra olache i paurs lascia i tiers a pascentada chës 2–3 edemes da d’aisciöda y avisa tantes ciamó da d’altonn. N raiun de gran valüta por i paurs de un n vers y de gran valüta turistica dl ater. La Val dai Tamersc s’un sint indere ince dles gran tempiades, olache le rî tëmp mëna tres indô de maius eghes, peres y scich che röia ince söla pastöra. Sön iniziativa dla Uniun di Paurs de Mareo él porchël gnü organisé ai 23 de ma da jí a romené sö la pastöra – n invit a chël che incër 40 paurs á respognü. La Munt dai Tamersc é spo gnüda daurida en sabeda ai 30 de ma y tröc paurs á ince condüt ite sü tiers, scebëgn che la sëciora de chësta aisciöda dá da ponsé. Cina ciamó él chersciü püch y l’ega ne rogor gnanca sciöche zënza.

Deplü t’La Usc di Ladins di 5 de jügn  (pablo)