Oktoberfest desdita

Data

03 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Por le secundo ann indolater ne sarál degöna festa sön les »Wiesen«
A gauja dla pandemia ne sarál gnanca en chësc ann l'Oktoberfest. La notizia é gnüda comunicada dal presidënt de Bayern, Markus Söder, y dal ombolt da Minca Dieter Reiter. La festa sön les »Wiesn« ess messü garaté dai 18 de setëmber cina ai 3 de otober. Bëgn sis miliuns de porsones da döt le monn rovâ dagnora adalerch por la festa tradizionala dla bira.
Ince sce tröpes porsones á bele fat la variora, foss le prigo da se taché le virus massa gran, porchël án tut la dezijiun da desdí. Gran sará indô le dann, dantadöt economich, sce an pënsa che le valur dl Oktoberfest dl 2019 ê gnü sciazé de 1,23 miliarg de euro.  (kp)