La Usc di Ladins

Aee giusta fenì mia encèria de Lektor de talian e ladin a l'Univ. de Di­spruch, del 1982, canche me rua te Istitut na joena da Parcines, de inom Ulrike Kindl, professora de ger­manistica a l'Università Ca' Foscari de Venejia, che taca a me rejonèr desche n tormen de lejendes ladines, de Karl Felix Wolff, de Fanes e de Laurin, de manoscric conservé ti archivies e del lurier filologich che ela enstessa aea metù a jir per cont de l'Istitut Ladin 'Mi­curà de Rü'. Fegurave, siere giusta de retorn con na zopa de fotocopies, i scric de Hugo de Rossi conservé tel Fer­dinandeum: te Istitut aane ben ence na copia del Ladini­sches Wörterbuch stata del prof. Heilmann e zeche pech portà ite da Dispruch da p. Frumenzio, ma a chesta vida vegne a saer che en cèsa De Rossi, olache stajea l fì de Hugo, dotor Ernst, con sia femena Rose, l'era amò n gran cufer, na gran valisc piena e rèsa de manoscric, sfoes batui a machina, codejìe de notes, letres, libres, stampes e materiai de ogne sòrt. Ensoma, l lurier de na vita entrìa, dut da enrescir e studièr fora. N melaur per la cultura ladina de Fascia. (Comentar de Fabio Chiocchetti)

De plu tla edizion stampeda de La Usc di Ladins o sun l e-paper a paiament www.lausc.it/e-paper