Cedea se conferma ence del 2021 la mior èga de la Dolomites e no demò. Enstadì l’èga minerèla de Lizio Rizzi da Cianacei e de sia femena Monica Menozzi à ciapà n auter recognosciment prestigious, anzi trei. En mèrtesc ai 20 de otober l 18° Congress anuèl »Zenith Global Water Drinks« à fat a saer, endèna na zerimonia online, i venjidores di »2021 Global Water Drinks Awards« e l’èga Cedea à ciapà adertura trei recognoscimenc de valuta mondièla: »mior èga minerèla da boles«, »mior èga minerèla naturèla« e soraldut »mior calità del vierech de la boces 8.1«.
Con chisc etres recognoscimenc Zenith Global smaora amò de più l valor de Cedea tel mond. La competizions de Zenith defat é internazionèles e chi che tol pèrt vegn da ogne pèrt del pianet.
L an passà a Dubai Cedea aea ciapà i recognoscimenc per la calità de l’èga e per l design de la boces Enrosadira, chest an i medemi pesć é rué per la boces de vierech da dèr deretorn, Cedea 8.1. La neva boces Cedea 8.1 (8.1 l é l ph de alcalinità de l’èga) é states realisèdes dai medemi designer che à creà la boces Enrosadira, Nick Pitscheider da Cianacei e sia colega Sharon Hassan. Les à na linea eleganta (la forma de la bocia dèsc la idea del mantel de Re Laurin), delicata, che moscia equilibrie, con n vierech n muie trasparent e de auta calità.
De più su La Usc stampèda de vender ai 5 de november. (Monica Cigolla)
Cedea 8.1, mior èga e mior vierech
La neva boces de èga minerèla che vegn fora da Crepa Neigra l’à ciapà trei recognoscimenc a livel mondièl.
Galaria retrac
View the embedded image gallery online at:
https://www.lausc.it/atualite/17670-cedea-8-1-mior-ega-e-mior-vierech#sigProId58b1821d0d
https://www.lausc.it/atualite/17670-cedea-8-1-mior-ega-e-mior-vierech#sigProId58b1821d0d