La Usc di Ladins

Cun la edizion de chëst'ena de La Usc di Ladins (de duman vënderdi ai 16 de setëmber) scumencions cun na rubrica de gran mpurtanza y che la redazion ulova bele ntegré da plu giut incà. L se trata de na tematica che vën ora for deplù tla descuscions sozieles y per fertuna datrai nce politiches. Na tematica che ie gran ëura che la ne sibe nia plu tabù, coche la ie stata massa giut alalongia y ie suvënz danz mo for nsci. La sanità psichica ie for unida mpue ascunduda, sciche sce la fossa velch de chël che n ne daussa nia rujené, per una o per l'autra gauja.

La rubrica dl dut. Edmund Seno­ner, psicologh, psicoterapeut y cunselier dl Orden di Psicologs dla Provinzia de Bulsan, ie tlo per ti jì permez ala tematiches d'uni sort dla psicologia. Zirca un n iede al mëns ve dajeron l mesun de liejer velch n con' de chësc mond tan grant y per truepa jënt scu­ nesciù, acioche l ne sibe nia plu n tabù. Cialon nce nëus de fé nosta pert, tan inant che la va. Bona letura.

Bruno Maruca