La Usc di Ladins

L’à inom Foto Folk e la é stata inaugurèda en sabeda ai 17 de setember te la Biblioteca de Comun de Trent. L é na mostra de retrac che moscia trei percorsc fotografics contemporans su la tradizions ladines de Fascia, rencurèda da la sociazion Antermoia. I retrac é stac fac da trei studenc che à fat la Scola Ladina de Fascia: Andreas Rizzi, Irene Tabanelli e Lorenzo Dezulian col suport del fotograf Davide Baldrati.
»Chisc trei joegn che à tout pèrt a nesc laboratories de fotografia – à spiegà Davide Baldrati – à indagà travers la fotografia vèlch una de la tradizions ladines e ativitèdes carateristiches de Fascia: fèr con fegn, i conscric, l schi. I à moscià sia vijion de chesta tradizions travers si eies, chela vijion che é stata metuda en esposizion te la mostra. Chisc retrac chier de moscèr cotant che la val e la tradizions sie mudèdes tel temp enceben che les sie amò aldidanché n muie vives e gaertes.«

La mostra é da poder veder enscin 24 de setember: duc i dis da les 8:30 a les 19:30 e de sabeda da les 8:30 a les 12:30.

De più su La Usc stampèda de vender ai 23 de setember.  (MCI)