La Usc di Ladins

Te chël tëmp á i apostui perié le Signur: »Renforza nosta fede!« Le Signur á respognü: »Sce osta fede foss ince ma tan grana co n granel de sënf, podesses dí a chësc lëgn da bromores: álzete cun tües raisc fora de tera, y implantëiete tl mer!, y al ves olgass. Sce un de os á n stlâf che é pro l’aré o che verda i tiers, ti dijel forsc canch’al vëgn dal ciampopré: Fate atira pormez a mangé? Ne dijarál nia plülere; Fame val’ da mangé, arjignete y sorvësceme, y do ch’i ará mangé y boiü, poste ince tö mangé y bëre. Ti dijel mo dilan al stlâf, deach’al á fat ći ch’al é gnü comané de fá? Insciö déssera ince ester pro os: Canch’i arëis fat döt ci ch’i sëis gnüs comaná de fá, desses dí: I sun de püri stlâfs, i un fat nosc dovëi.« 

Parora dl Signur. - Lalt a te, Gejú Crist!