La Usc di Ladins

I venjidores de la 19^ edizion del Global Water Drinks Congress é stac anunzié ai 9 de november te la sera de gala a Evian-les-Bains, tel chèder del event che é doventà l maor forum internazionèl olache la firmes pel verdèr e descorer la tendenzes e la costion che revèrda l marcià del davegnir.

L event, endrezà dai esperc de magnadiva e beandes Zenith Global à abù 150 iscrizions, da duc i continenc del mond e per i produtores de l’èga minerèla che vegn fora da Crepa Neigra e la vegn metuda te bòcia ta Dèlba l é stat endò n suzes.

La Cedea se à vadagnà l pest maor tant te la “Best Natural Still Water” che te la “Best Natural Sparkling Water”, donca la miora anter la èghes naturales e da gas, e amò apede ence la miora per l vierech. Da dir che anter la èghes naturales l secondo post é jit te l’Islanda e l é stata stat vadagnà da la “Icelandic Glacial Natural Still Water” e anter la èghes da gas enveze a la “Solan de Cabras con Gas” de Cuenca, te la Spagna.

Se podarà lejer de più su La Usc stampèda de vender ai 18 de november. 

 (Lucia Gross)