Unité di cristiagn: incuntada ecumenica a Porsenú

Data

22 de jené 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Edema ecumenica internazionala de oraziun por l’unité di cristiagn se desfira ann por ann dai 18 ai 25 de jená. Ara dess reuní i credënc de confesciuns desferëntes por perié deboriada por l’unité di cristiagn. Do les incuntades stades a Balsan y Maran, él ciamó söl program l’incuntada di 24 de jená a Porsenú
"Fajede de bëgn, chiride la iustizia!" (Isaia 1,17) é le tema dla Edema de oraziun 2023. Tla Diozeja de Balsan–Porsenú tólera ite trëi incuntades, l’ultima a Porsenú ai 24 de jená tla dlijia de ploania de San Michîl.
"L'ecumenism n’é nia n afar che perd, mo n davagn por trames les perts", sotrissëia le referënt diozejan por l’ecumenism Gioele Salvaterra, degan a Maran, che se aoda na 'despaziënza sana' tl ecumenism y sotrissëia che al ne se trata nia prioritariamënter da baié ma dles desferënzes danter les confesciuns, mo plü co ater da dé na testemonianza deboriada, de n 'ecumenism di fac' renforzé."
"Perié deboriada por l’unité di cristiagn nes pormët da ponsé sura sön ci che nes unësc y da nes mososré cun ci che drüca jö les porsones y les despartësc", dij Salvaterra, che ajuntëia: "Nosc sforz reziproch se damana l’impëgn ince por chi che ne vëgn nia ascutá sö, la orenté da abate les strotöres che cheriëia y tin sö l’iniustizia, y che i fajunse sö d’atres strotöres che motivëia y assigurëia che düc vëgnes tratá lealmënter y che düc ais i dërc che ti alda."