La Usc di Ladins

L Consei Diretif del BIM Adesc Trent chisc dis passé à aproà a una n projet de sostegn finanzièl per la Comunitèdes Energetiches Renovaboles (CER) di 105 Comuns consorzié.

»L percors envià via l an passà con l projet fotovoltaich – disc l president del Consorzie Michele Bontempelli – domanèa na reflescion e na azion concreta per la seconda fasa del empegn del Consorzie a sostegn de la energies renovaboles.«

En fasa de bilanz de previjion 2023-2025 l era stat assegnà 70 mile euro per ogne ejercizie; na zifra che te la intenzions cognea raprejentèr n sostegn de ‘start up’ per la costituzion de CER. 

L president Bontempelli sotrissa che »l Consei Diretif, con ite i raprejentanc de la valèda de la Veisc Francesco Dellantonio, Maria Bosin e Vittorio Stonfer, chi de la valèda del Adesc Paola Frigo, Rinaldo Maffei e Diego Moar e chi de la valèda del Noce Aldo Webber, Michele Bontempelli e Stella Menapace, i à da semper cherdù con forza tel projet.«

De più su La Usc stampèda de vender ai 24 de mèrz.