La Usc di Ladins

Al é bele tröp che le presidënt Erdogan mëss jí al balotaje, mo zënza na maioranza de passa le 50% dles usc él sforzé! Erdogan á abiné adöm le 49,51% dles usc, so concorënt á pié do le 44,88% dles usc. Al terzo post s’á plazé le candidat Sinan Ogan cun le 5,17%. Les usc de chësc ultim sará te chinescdé dezisives, danter Erdogan y Kilicdaroglu. La partezipaziun a chëstes lites presidenziales é stada cun le 88,92% tla Turchia valgamia alta, danter i zitadins foradecá cun le 52,69% nia pücia. Tla Germania á danter i zitadins türc Erdogan abiné les plü usc.