La Festa de l’Euregio, adum sorafora la seides

Data

17 de mei 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Ala l é stat serà su i doi egn de presidenza del Trentin con i saluc ofizièi, la neva composizion musicala e ativitèdes de spas e cultura.


La desvalivanza te l’unità. Sun chisc fondamenc se à dejout en sabeda ai 13 de mé a Ala la Festa de l’Euregio. N apuntament stabol che vegn fat ogne doi egn e che l à serà su la presidenza del Trentin 2021-2023. Pontèr demez da la storia, da l’identità, da la tradizions che é medemes per duc trei i teritories per vardèr al davegnir e a la colaborazion sorafora la seides. L é stat i messajes che à uzà fora te si descorsc i presidenc del Trentin Maurizio Fugatti, del Sudtirol Arno Kompatscher e l Capitan del Land Tirol Anton Mattle. La festa é tachèda ite con la defilèda de l’autoritèdes, i raprejentanc politics, i ombolc, i Schützen e la Museghes dal parch Bastie per jir fora per l zenter de Ala e ruèr te piaz San Giovanni olache spetèa na gran fola de jent. La Musega de Ala à sonà l’Inno alla Gioia endèna che vegnia tirà su la bandiera de l’Euregio portèda en defilèda da n grop de joegn. 

Dapò i trei presidenc ensema al ombolt de Ala Claudio Soini é passé tedant ai raprejentanc de la Compagnies di Schützen per l salut ofizièl, na zerimonia tradizionèla che l Welschtiroler Schützenbund à dalbon rencurà te ogne detai soraldut con la Ehresalve. N soul colp fort e prezis che à rebombà te anter i palac de piaz de Comun.

Sun paladina la prejentadora Karin Gschnitzer à portà l salut per talian, todesch e ladin, i trei gropes linguistics del Tirol storich.

De più su La Usc stampèda de vender ai 19 de mé.  (Monica Cigolla)