La Usc di Ladins

La situaziun tla Emilia Romagna y tles Marches é por les gran agajuns dötaurela critica. Al é gnü registré cina sëgn na desëna de porsones che á messü lascé la vita, y les agajuns ne lascia nia do. Incër 13.000 porsones á messü lascé süa ciasa, 27.000 porsones n’ess nia plü forza eletrica – aladô dl’ajentöra Ansa.
I Stodafüch da Balsan á condüt tl raiun pacheres, na fossenara mobila y ince n cranich.
Al’altëza dla Laimburg él gnü pormez al convoi chi 20 stodafüch dl raiun de Puster Bas, che â para pumpes a imersciun.