La Usc di Ladins

No la veit l’ora de averjer sia »ciasa auta«, Robera Silva. La data é oramai fissèda per i 27 de mé, donca enceben che ti ultimes dis colassù sie ruà n bon pecia de neif la é jà su a meter a post. Ela fèsc jir l refuge Roda de Vael da 18 egn e da n an e mez la é a cef de la Sociazion di gestores de refuges del Trentin. I refuges te dut l Trentin i é 145, passa 100 i fèsc pert de la Sociazion e l numer seghita a crescer. Cresc ence la scomenzadives che vegn metudes a jir, una de la ultimes l é stat n cors de formazion con la Scola del Socors da mont, aldò de la convenzion sotescrita de november del 2022 col CNSAS, l Socors del Trentin.

L é prest ora de verjer ma ti ultimes dis en aut l à nevet. Co éla la situazion?
Te belech 20 egn che son su la sajon la se à slongià beleche per duc, ades amancol tel raion del Ciadenac i verc sche duc dant da la metà de jugn, enveze na uta n muie i verjea anter la metà e la fin de jugn. Gio verje ai 27 de mé, aee jà avert la strada per ruar su ma anché da doman [ai 12 de mé, ndr] é troà passa 30 zentimetres de neif jà sobito sora la Malga, lassù n sarà amancol mez metro. 

De più su La Usc stampèda de vender ai 19 de mé.  (Lucia Gross)