L é peà via jà da vèlch an l projet de la Provinzia Autonoma de Trent dal titol »Dialoghi con le Minoranze«, e do aer tout dant costions desferentes, da la scola a la situazion soziolinguistica e culturèla de la trei comunanzes ladina, mochena e zimbra che vif sul tegnir provinzièl, tel ultim apuntament metù a jir ai 17 de mé te la sala Belli del Palaz de la PAT l à metù l azent su l’inclujion.
L argoment é stat cernù ajache l se lea a n nef lurier editorièl sostegnù da la PAT con sie Servije Mendranzes Linguistiches e giusta ruà a zil: n liber out ai studenc de la scola autes che à per titol »Minoranze e società inclusiva« e l é stat scrit da l’antropologa Giorgia Decarli.
Chesta publicazion l é ence n percors de zitadinanza ativa, che à desche obietif meter l’atenzion sui conzec de desvalivanza, mendranza e deric e fèr cognoscer la mendranzes linguistiches, en particolèr cheles trei che vif tel teritorie Trentin, con vèlch element che deide i studenc a cognoscer la realtà e l’emportanza de la cultures mendres.
De più su La Usc stampèda de vender ai 26 de mé. (LG)
Mendranzes e sozietà inclusiva
Tel ultim apuntament di »Dialoghi con le Minoranze« de la Provinzia de Trent l é stat rejonà de educazion zivica e a la zitadinanza e prejentà n nef liber che met l cucaloch su la desvalivanzes.
Galaria retrac
View the embedded image gallery online at:
https://www.lausc.it/atualite/23755-mendranzes-e-sozieta-inclusiva#sigProId47d20e189d
https://www.lausc.it/atualite/23755-mendranzes-e-sozieta-inclusiva#sigProId47d20e189d