La Usc di Ladins

Giulia. Chest inom à ressonà daperdut chisc dis, sui sfoes, per televijion, sui social, per strèda e ti bares, con paroles fones e autres da fèr aric.
N mont de paroles, percheche l sassinament de Giulia ne à tocià tel cher. Percheche Giulia l’aea demò 22 egn e chisc dis l’aessa cognù se laureèr en enjegneria biomedica. Percheche no la se à salvà da chel compagn de università che dijea de ge voler ben. Percheche sia despari­zion con Filippo l é doventà n śal mediatich, e so corp troà te la Val­cellina la conferma del burt presen­timent. N mont de paroles, che ampò l é besegn de dir. Giulia l é la centetreeisema ela vitima de la violenza de n el chest an te la Tèlia. Endèna che scrive l é jà stat n auter episodie e canche voetres lejarede, ai 24 de november, en vea de la giornèda mondièla per la eliminazion de la violenza contra la eles podessa esser sozedù amò: la media l é na femena copèda vigni 3 dis. (Comentar de Lucia Gross)

De plu tla edizion stampeda de La Usc di Ladins o sun l e-paper a paiament www.lausc.it/e-paper