La Usc di Ladins

Dant otedì s’à abiné adum tla senta storica dla Union Generela di Ladins dla Dolomites, tla Cësa di Ladins tl zenter de Urtijei, i raprejentanc de dutes les Unions di Ladins che fej pert dla lia tet, l’UGLD. Domesdì à l consei dla Union Generela di Ladins traté y aprové l bilanz de previjion per l ann 2024 che se avalieia fora per l’ativité dla Union Generela di Ladins sun la soma de 70.850,00 euro y per La Usc di Ladins, organ dla Union Generela di Ladins, sun 966.312,00 euro.
Tratant la senteda àn cialé a l'ativité programeda l ann che vegn, olache al sarà endò l Di dla Unité Ladina y l Festival dles mutans y di mutons "Cianta con nos", en chest iade te Fascia.

Al sarà de plu da lieje y da vedei do tla edizion nueva che vegnirà fora en vender!